يعني ليه بتحب تاكل زيهم وتلبس زيهم وتركب زيهم "عربيات يعني"
زمان وفي كل الأزمنة كان المصري مصري محتفظ بشخصيته وسماته العربية الأصيلة ، عدى عليه هكسوس و فرس و يونان و رومان و عرب و مماليك و اتراك و انجليز
أحنا مينفعش نقلد الغرب ، لإننا احسن منهم ، ازاي تروح تعمل قصة شعر غريبة اسمها بانكي او كيرلي او تعمل استايل غريب و دي كلها حاجات ضد عاداتنا وتقاليدنا وهويتنا
هو احنا لو قارنا بين الثقافة المصرية و الثقافة الغربية ، تفتكروا عوامل الاختلاف هتروح لانهي ثقافة ؟
اجاوبك انا .. هتروح لصالح الثقافة الاقوى .. اللي هي مين بقى
طبعاً الثقافة المصرية .. و ده لأن شخصيتنا هي الاقوى
هتقولي ازاي
هقولك التاريخ يشهد بكدة ، زي ما حصل من 3000 سنة لغاية دلوقتي ، شوف كام ثقافة دخلت علينا و ما قدروش يغيروا ثقافتنا
لو الشخصية المصرية كانت ضعيفة كانت اتمسحت و ضاعت و بقينا جنس تاني ، لكن الشخصية المصرية على مر العصور ماسكة نفسها وهتفضل تتميز بالشهامة والنخوة والرجولة والاصالة
اول حاجة عملها عدوك جاب كتاب شخصية مصر وكتاب التربية الوطنية اللي سيادتك بترميه في الدرج ، قعد يدرس كل صفاتك وسمات المواطن المصري ، اشتغل عليك علشان يعرف انت بتفكر ازاي ويعرف هيدخلك منين ، الحرب مش دايماً بالسلاح ، الحرب بالفكر والعقيدة ، وهما عايزين يلعبوا في فكرنا وعقيدتنا ، عايزين يخلوك هش من جوة ، ضعيف ومستسلم قدامهم ، عايزين يشلوا تفكيرك ، مش عايزينك تنتج ولا تتقدم ، و دايماً بيفشلوا في كدة ، يا راجل عايز اقولك بيصرفوا ميزانيات دول علشان بس يوقعوك ويعرفوا يسيطروا عليك وانت لسة مش واخد بالك
هما لسة مش عارفين يوصلوا ولا فاهمين احنا ازاي بيتزرع فينا كل يوم الحب والانتماء لتراب بلدنا ولجيشها
