منذ بداية كورونا ورغم العالم على أسلوب عمل مميز وهو "العمل الحر" من وقتها وأحنا عرفنا اننا نقدر نشتغل من البيت ونحقق دمل كبير جداً اكتر 5 مرات من الدخل الوظيفي التقليدي ، ولكن يلزمنا نتعلم شوية مهارات
إيجابيات العمل الحر
الحمدل الحرب ليه إيجابيات كتير ومؤخراً نقدر نقول إنه يعتمد عليه كمصدر رزق ، ولكن الموضوع بيحتاج منك سعي وإنك تعرف تتعلم مهارات في التسويق وتعرف أزاي تجيب عميل وازاي تتمم الصفقة بشكل ناجح لحد ما تستلم فلوسك
إيجابيات العمل الحر هو ان وقتك ملكك تقدر تتحكم فيه براحتك وتحدد
- أمتى تشتغل وأمتى تريح نفسك
- بتعمل فلوس كتير مقارنةً بزملائك اللي بيشتغلوا شغل تقليدي محدد بمواعيد
- بيكون عندك وقت فراغ كويس تقدر تزود من مهاراتك فيه أو ترفه عن نفسك
- بينمي قدرتك على الإبداع والتركيز لإنك طول الوقت في تحدى مع نفسك وشغفك بيزيد وبتتطح للأفضل
- بيخليك تعرف قيمة نفسك الحقيقة لدرجة إنك لو حبيت تشتغل في شركة بعد كدة هتلاقي نفسك مميز وسابق كل زملاءك لإنك قعدت واتعلمت مهارات وبقى الـ C.V بتاعك مثقل وليه وزنه
سلبيات العمل الحر
أكيد كل شئ بنعتبره سلاح ذو حدين ، والعمل الحر زي ما ليه إيجابيات ليه سلبيات والي مثلاً منهم
- انك في أوقات ممكن متقدرش تظبط مواعيدك وتحدد مواعيد شغلك وده مؤكد هيأثر على طريقة تفكيرك وتركيزك
- لازم لو قررت تدخل في العمل الحر إنك تمارس رياضة، وإلا وزنك هيزيد
- علشان دايماً هيكون شغلك أغلبه من البيت فـ هتحس انه بيغلبك النوم في بعض الاوقات وده هيضربلك روتين يومك والمواعيد والصلح هيبقى لليل والليل هيبقى نهار بالنسبالك ، وانت مش هتحب الموضوع ده كتير
- في بداية عملك الحر هتضطر تبعد عن اصحابك فترة كويسة تقريباً 6 شهور علشان تعرف تتعلم مهارة كويسة وتقدر تثبت نفسك في المجال ده وتعمل لنفسك أرضية فيه وتبقى عارف لو عميل وقف شغل معاك هتعمل ايه وايه هي Plan B اللي هتمشي عليها في أسوء الظروف
في النهاية حابب أقولك وعن تجربتي الشخصية إنك هتدخل في مجال هتحبه وهتحب عيشة الحرية الغير مقيدة سواء من مواعيد أو إلتزامات من اشخاص او مديرين شركات، انت هتكون ملك نفسك، وقتك ملكك قسمه زي ما تحب ، اشتغلت هتعمل فلوس حلوة، ولو مركزتش مش هتعرف تعمل اي حاجة وهتحس إنك تايه
